स्वाभिमानमुळं पुढे आलेले १० कलाकार. तुम्हांला यातला कुठला कलाकार अधिक आवडतो?

बापाच्या दुसर्‍या बायकोवर म्हणजेच स्वेतलानावर सतत रागावलेला  मुलगा रिषभ मल्होत्रा म्हणून रोहित रॉयनं या मालिकेत प्रवेश केला. हा फ्रेश लूकमुळे अगदी चॉकलेट हिरो वाटायचा. पण का कोण जाणे त्याचं सिनेमात आणि मालिकेत दोन्हीकडेही पुढं काही झालं नाही.  त्या मानाने त्याचा भाऊ  रोनित रॉय हुशार निघाला. एक-दोन सिनेमांतच त्याला तिथं आपली डाळ शिजणार नाही हे लक्षात आलं आणि मस्तपैकी मालिकांत करियर केलं. 

या मालिकेआधी मनोज वाजपेयीनं ’द्रोहकाल’ या पिक्चरमध्ये एक छोटा रोल केला होता. पण त्याला खरा चेहरा आणि ओळख मिळाली ती सुनील मल्होत्राच्या रोलमधून. स्वाभिमानमध्ये याला महिंद्र मल्होत्राचा मोठा जावई म्हणून रोल मिळाला होता. आधी हा चांगला जावई होता आणि अचानकपणे त्याला खलनायक करून टाकला. आजकालच्या मालिकांत पाणी घालून मालिका कशीही भरकटत नेतात, त्याची सुरूवात नक्कीच या सुनील मल्होत्राच्या रोलपासून झाली असावी.

तर ही होती महिंद्र मल्होत्रा म्हणजेच दीपक पराशर-कुनिकाची मोठी मुलगी आणि  मनोज वाजपेयी (सुनील)ची बायको. हिला मालिकेत रडूबाईचाच रोल होता. ही अजूनही  छोट्या पडदयावर सास-बहू मालिकांत अधूनमधून दिसते.

स्वाभिमानमुळं ओळख झालेल्या कलाकारांत मनोज वाजपेयी आणि आशुतोष राणा यांचं स्थान सगळ्यात वरचं आहे. गुंड, अशिक्षित पण मनानं खूपच चांगला असलेल्या त्यागीची भूमिका आशुतोषनं केली होती.  रिसभ भैय्या आणि देवकी भौजाई म्हणत रोहित रॉय-चन्नाला लळा लावणारा त्यागी तेव्हाच लोकांना तुफान आवडला होता.

आशुतोष राणाची नायिका म्हणून संध्या मृदूल स्वाभिमान मध्ये दिसली होती. पण ’साथिया’ आणि ’पेज थ्री’ नंतर बाईसाहेब कुठे गायब झाल्या आहेत कोण जाणे.

दीपक मल्होत्राची दुसरी मुलगी नितू म्हणून रिंकू स्वाभिमानमध्ये चमकली होती. आधी तिचा रोल बरा होता.  नंतर मात्र कहानीला ट्विस्ट देण्यासाठी सुनीलला खलनायक बनवलं आणि हिला रडूबाई.  रिंकू सध्या काकूबाईच्या भूमिका करताना काही मालिकांमधून दिसते..

राजीवनं आधी नितू मल्होत्राचा बॉयफ्रेंड आणि नंतर तिच्या नवर्‍याचा रोल केला होता.   पण काही म्हणा हं,  १९९५ मधला वॉल्टर आणि आताचा राजीव यात तसूभरही फरक दिसत नाही. याला नेहमी विचारावंसं वाटतं,  "कौनसी चक्की का आटा खाता है रे भौ?"

तब्बल ५०० एपिसोड्स आणि २ वर्षं चाललेल्या या मालिकेत अचिंत कौर तशी उशीराच आली होती.

स्वाभिमानमधला सिमोन सिंगचा रोल खूप छोटा होता. त्यानंतर ’हीना’ या मालिकेतून तिला मोठा ब्रेक मिळाला.  पण २००६ मध्ये आलेल्या ’बीईंग सायरस’ शिवाय ती म्हणावी तशी कुठं अजून चमकली नाहीय. 

शाननं गायलेलं हे गाणं तर तुम्हांला नक्कीच आठवत असेल. नसेल तर एकदा हा व्हिडिओ पाहाच, नकळत कधी गाणं गुणगुणायला लागाल हे कळणारसुद्धा नाही.