फेसबुकच्या सुरुवातीच्या काळात अनेकांना एक ऑनलाइन गेम खेळलेला आठवत असेल. काहींनी तर खास हा गेम खेळण्यासाठीच फेसबुकवर खाते उघडले होते. तर, फार्मविले असे या गेमचे नाव आहे. हा गेम अनेकांचा आवडीचा होता. फार्मविले असेल किंवा पेटविले असेल, हे गेम आपल्याला फेसबुकवर जास्तीतजास्त वेळ थांबण्यास प्रवृत्त करत असत.
मागच्या वर्षी गेम डेव्हलपर झिंगा यांनी हा गेम बंद करत असल्याचे घोषित केले होते. यामुळे अनेक फार्मविलेप्रेमींची मोठी निराशा झाली होती. पण सर्व फार्मविले चाहत्यांसाठी मोठी खुशखबर आहे. झिंगा फार्मविले ३ वर काम करत असल्याचे समोर आले आहे.
