आपला ७० वा स्वातंत्र्यदिन उद्यावर येऊन ठेपलाय. राजधानी दिल्लीत तयारी चालू आहे. रस्त्यांवर पोलिसांनी चोख बंदोबस्त ठेवायला सुरुवात केली आहे. विविध ठिकाणी उद्या कोण कोणते कार्यक्रम करायचे याचं वेळापत्रक ठरून सज्ज झालंय. शाळांमधून कॉलेजमधून उद्या जे भाषण करणार आहेत त्यांची रिहर्सल सुरु असेल. एकीकडे हे सगळं चालू असताना आपली शाळेतली बच्चा पार्टी उद्या कोण गांधीजी बनणार, कोण नेताजी, कोण चाचा नेहरू आणि कोण सरदार पटेल हे ठरवण्यात बिझी आहेत.
गुगलही यात मागे नाही मंडळी. उद्या कोणता डूडल टाकायचा याचं तेही प्लॅनिंग करत असतील, एव्हाना तयारही असेल राव. गुगल दर वर्षी भारताच्या स्वातंत्र्यदिनी एक खास डूडल टाकतं. यावर्षी कोणतं असेल याची उत्सुकता तर आहेच पण त्याआधी बघूयात मागील काही वर्षांपासून भारतीय स्वातंत्र्य दिनाला समर्पित केलेले हे काही खास डूडल्स :
