A fool and his money soon part the company म्हणजे मूर्ख माणूस आणि त्याचा पैसा यांची ताटातूट व्हायला वेळ लागत नाही. जर तुमच्या हातात पैसे असतील तर तुम्ही अर्थसाक्षर असणे किती महत्वाचे आहे हे सांगणारा हा वाक्प्रचार आहे.'बोभाटा'च्या अनेक लेखातून आम्ही अर्थसाक्षरतेचा अप्रत्यक्ष प्रचार करतच असतो. या अर्थसाक्षरतेच्या प्रसारासाठी आम्ही 'साधे सोपे अर्थसूत्र' ही नवी लेखमालीका सादर करत आहोत. आपल्या रोजच्या व्यवहारात येणार्या अनेक आर्थिक संकल्पनांना साध्या सोप्या भाषेत समजावून सांगाणारी ही लेख मालीका आहे.या मालीकेचे लेखक श्री अरुण केळकर हे व्यवसायाने निवृत्त चार्टर्ड अकाउंटंट आहेत.येणारा काळ ' फिनटेक रिव्होल्यूशन' चा आहे - आर्थिक व्यवहाराच्या क्रांतीचा- आहे. चला तर , अर्थसाक्षरतेकडे पहिले पाऊल उचलू या !
==========================================
साधे सोपे अर्थसूत्र भाग १: काय असणार आहे या मालिकेत? का आहे ही महत्वाची?
एम्प्लॉइज स्टॉक ऑप्शन हे प्रकरण तसं कंपनी आणि कर्मचारी दोघांच्याही फायद्याचं. पण हे नक्की काय, त्यात संभाव्य फायदेतोटे काय आणि तो पर्याय स्वीकारावा की नाही अशा काही प्रश्नांची उत्तरे आजच्या या लेखात खास बोभाटा वाचकांसाठी!!
एम्प्लॉइज स्टॉक ऑप्शन हा कंपनीने आपल्या कर्मचाऱ्यांना दिलेला एक हक्क असतो. यानुसार कर्मचारी आपल्या कंपनीचे ठरावीक शेअर्स, ठरावीक किमतीला एका विशिष्ट कालावधीत कंपनीकडून विकत घेऊ शकतात. कोणा कर्मचाऱ्याला किती शेअर्स मिळणार हे त्याच्या हुद्यावरून, सेवाकाळावरून ठरते. शेअर्सची किंमत योजना जाहीर
होते त्यावेळच्या स्टॉक मार्केटमधील किंमतीपेक्षा कमी असते.
या योजनेची ठळक वैशिष्ट्ये:
1) हा हक्क फक्त पूर्णवेळ कर्मचाऱ्यांना मिळतो.
2) एक वर्षाहून अधिक काळ सलग सेवेत असणाऱ्या कर्मचाऱ्यांना हा हक्क मिळतो.
3) हुद्दा, सेवाकाळ यावरून किती शेअर्स विकत मिळणार हे ठरते.
4) शेअर्सची विक्री किंमत कंपनी ठरवत असली तरी ती सेबीच्या मार्गदर्शक सूत्रानुसार ठरवली जाते
5) यानुसार विकत घेतलेले शेअर्स विशिष्ट कालावधीत विकता येत नाहीत, गहाण ठेवता येत नाहीत. या कालावधीला ’लॉक इन पिरिअड’ असे म्हणतात.
