आज आम्ही एका हुशार माकडाची गोष्ट सांगणार आहोत. या माकडाने चक्क ऑनलाईन शॉपिंग केली आहे. अहो खरंच.
त्याचं काय झालं, चीनच्या Yancheng Wild Animal World प्राणीसंग्रहालयात काम करणारी Lv Mengmeng तिथल्या माकडासाठी जेवण आणायला गेली होती. तिचा मोबाईल ऑफिसमध्येच राहिला होता. परतल्यानंतर जेव्हा तिने आपला मोबाईल पाहिला तेव्हा तिला ऑनलाईन शॉपिंगचा मेसेज दिसला. ही ऑर्डर तिने दिली नव्हती. अशा गोष्टी मागवण्यात आल्या होत्या ज्या तिने ‘शॉपिंग कार्ट’ मध्ये सेव्हही केल्या नव्हत्या. संशय येऊन तिने सीसीटीव्ही फुटेज चेक केल्यावर खरं काय ते समजलं.
