पॉकेमोन आजोबा कोण आहेत आणि भूकंपाच्या इशाऱ्याने त्यांना कसा फटका बसला?

तर या पोकेमॉन आजोबांना परवा म्हणजे ७ फेब्रुवारी रोजी या ७२ फोनचा चांगलाच झटका बसला. ७ फेब्रुवारी रोजी तैवानच्या किनाऱ्यावर हलकासा भूकंपाचा हादरा बसला. भूकंप होणार असेल तर इथल्या हवामान खात्याकडून त्याबद्दलचा सतर्कतेचा इशारा फोनवरून सर्व नागरिकांना दिला जातो. खरे तर त्यादिवशी यीलन गावात झालेला तो भूकंप ६.१ तीव्रतेचा होता. ज्याचा प्रभाव ८५ किमीच्या परिसरात जाणवला. तैवानच्या प्रमाणित मानांकनानुसार हा भूकंप तसा सौम्य तीव्रतेचा होता. 

हवामान खात्याकडून या भुकंपाबद्दलच्या सूचना देणाऱ्या यंत्रणेत काही तरी बिघाड झाल्याने एकाच वेळी एकाच भुकंपासाठी १६ वेळा अलर्ट मेसेज देण्यात आला. याबद्दल तिथल्या हवामान खात्याचे संचालक शेंग मिंग-डीन यांनी फेसबुकवर पोस्ट केली आणि यंत्रणेत काही तांत्रिक बिघाड झाल्याने ही गडबड झाल्याचे त्यांनी स्पष्ट केले. भूकंपाच्या वेळी अनेक लहरी निर्माण झाल्याने सिस्टीमने प्रत्येक लहर म्हणजे स्वतंत्र भूकंप असल्याचे समजले आणि तितक्या वेळा नागरिकांना एकामागून एक अलार्म मेसेज गेले असण्याची शक्यताही वर्तवण्यात आली. 

पोकेमॉन आजोबा त्याचवेळी आपले ७२ फोन घेऊन पोकेमॉन शोधण्यासाठी निघाले होते आणि अचानक त्यांच्या सगळ्याच फोनवर एकाच वेळी एकामागून एक अलार्म मेसेज व्हायब्रेट होऊ लागले. भुकंपाच्या लहरींनी आजोबांना काही झाले नाही, पण त्यांच्या या मोबाइलच्या एकामागून येणाऱ्या व्हायब्रेशनमुळे ते चांगलेच भांबावून गेले. 

पोकेमॉन आजोबा त्याचवेळी आपले ७२ फोन घेऊन पोकेमॉन शोधण्यासाठी निघाले होते आणि अचानक त्यांच्या सगळ्याच फोनवर एकाच वेळी एकामागून एक अलार्म मेसेज व्हायब्रेट होऊ लागले. भुकंपाच्या लहरींनी आजोबांना काही झाले नाही, पण त्यांच्या या मोबाइलच्या एकामागून येणाऱ्या व्हायब्रेशनमुळे ते चांगलेच भांबावून गेले. 

७२ फोनवरील अलर्ट मेसेजेस बंद करण्यात त्यांचा किमान अर्धातास वेळ तरी गेलाच. दुपारी १.३६ पासून त्यांचे फोनचे अलार्म मेसेज वाजत होते. सगळ्या फोनचे अलार्म मेसेज ऑफ करेपर्यंत दोन वाजले. तरी फक्त अर्ध्या तासात ७२ मोबाइल्सचे नोटिफिकेशन ऑफ करणे म्हणजे तसे आजोबांची गती चांगलीच आहे म्हणावे लागेल. कारण, त्यांचा तो सायकलच्या हँडलवर बसवलेल्या स्टँडवरील सगळ्यात वरच्या ओळीतले मोबाइल त्यांच्या हाताला लागेपर्यंतच अर्धा तास गेला असता. 

त्यानंतर या आजोबांनी चक्क आपल्या दारात तातडीने एक पत्रकार परिषद बोलावली आणि या अशा अचानक आलेल्या भरमसाठ मेसेजेसमुळे त्यांना पोकेमॉन शोधण्यात व्यत्यय आल्याचे सांगितले. ते म्हणाले, “मला तरी कुठे भूकंप जाणवला नाही, पण उलट यांच्या अलार्म मेसेजमुळेच मला जास्त हादरे बसले.” हवामान खात्याच्या तांत्रिक बिघाडामुळे त्यांना त्यांचा पोकेमॉन शोधता आला नाही, त्यामुळे ते काहीसे अस्वस्थ झाले होते. 

खरे तर हे आजोबा आपल्या या पोकेमॉन खेळासाठी वारंवार चर्चेत असतातच. यावेळीही त्यांनी आपल्या या विचित्र वर्तणुकीने पुन्हा एकदा सर्वांचे लक्ष वेधून घेतले.

लेखिका: मेघश्री श्रेष्ठी