सोशल मिडियाचे स्टार: आरजे, युट्युबर ते थेट बॉलिवूड प्रवास करणारी प्राजक्ता कोळी!!

पुढे खरोखर आरजे म्हणून काम करू लागल्यावर तिला जाणवू लागले की हे काम आपल्यासाठी योग्य नाही. तिच्या शोला पुरेशी ऑडियन्स आणि व्ह्यूज ही नव्हते. यावेळी तिला तिच्या एका मित्राने युट्यूब चॅनेल सुरू करण्याचा सल्ला दिला. या सल्ल्यावर व्यवस्थित विचार करून २०१५ साली तिने युट्यूब चॅनेल सुरू करण्याचा निर्णय घेतला. प्राजक्ता एका मुलाखतीत सांगते की त्यावेळी तिच्यासमोर दुसरा पर्याय नव्हता. पण पुढे जाऊन हा निर्णय सर्वात योग्य ठरला. तिला घरातून पण तिच्या कामासाठी मोठा पाठिंबा मिळतो.

कोरोना काळात तिने कोरोनासंबंधी अनेक व्हिडिओ बनवले. सर्वचजण त्या काळात कोरोनावर बोलत होते. पण सोप्या आणि सूत्रबद्ध पद्धतीने या गोष्टी कमी मांडल्या जात होत्या, ही गोष्ट प्राजक्ताने नोटीस केली आणि तिने आपल्या टीमला सोबत घेऊन साध्या-सुलभ आणि सर्वांना समजतील अशा भाषेत फॅक्टस सांगण्यास सुरुवात केली.

प्राजक्ताला गुगलची चॅरिटी संस्था असलेल्या गुगल ऑर्गने मोठी संधी दिली आहे. इम्पॅक्ट चॅलेंज या त्यांच्या प्रकल्पात प्राजक्ता भारताचे प्रतिनिधित्व करणार आहे. या प्रकल्पात जगभरातील अनेक मोठी नावे जसे शकिरा, नोबेल विजेत्या रिगोबार्टा मेनचू तुम, नाओमी ओसाका हे काम करणार आहेत.

प्राजक्ताची नेटवर्थ ही ६ कोटींहून अधिक असल्याचे एका वेबसाईटने नोंदवले आहे. तिच्या कमाईचा सर्वात अधिक भाग हा तिच्या युट्यूब चॅनलमधूनच येत असल्याचे या वेबसाईटवर लिहिले आहे

यु ट्यूबपासून सुरुवात केलेल्या प्राजक्ताला आता मोठ्या प्लॅटफॉर्म्सवर संधी मिळू लागली आहे. नुकतीच ती नेटफ्लिक्स सिरीज मिसमॅचमध्ये दिसली होती. सध्या तिला धर्मा प्रोडक्शनच्या 'जुग जुग जिओ' या सिनेमात संधी मिळाली आहे. यात ती अनिल कपूर, वरून धवन, कियारा अडवाणी अशा बॉलिवूडच्या बड्या चेहऱ्यांसोबत दिसत आहे.

एका मराठी सर्वसामान्य घरातील मुलीने आरजे, युट्युबर ते थेट बॉलिवूड असा केलेला प्रवास प्रेरणास्पद तितकाच अभिमानास्पद देखील आहे.