प्रत्येक देशाच्या सुरक्षाव्यवस्थेची कामे अत्यंत गोपनीयरित्या सुरू असतात. या सुरक्षा दलात सामील होणाऱ्या सैनिकांना, अधिकाऱ्यांना प्रशिक्षण देण्यापासून ते त्यांच्या कामाचे संदेश पोहोचवण्यापर्यंतची अनेक कामे गुप्तरीत्याच पार पाडली जातात. गुप्तता पाळणे हा देखील सुरक्षेसाठीचा आवश्यक नियम असतो. अमेरिकेची एक जनेट नावाची विमान सेवा आहे. या विमानसेवेबाबतही अमेरिकेने बरीच गुप्तता पाळली आहे.
अमेरिकेच्या या विमान सेवेबद्दल खुद्द अमेरिकन नागरिकांनाही फार माहिती नसेल. मुळात या विमान सेवेचे नाव जनेट तरी आहे का याबद्दलही खात्री देता येणार नाही. आता इतक्या गोपनीय विमानसेवेचे हे अमेरिकन करतात तरी काय असा प्रश्न तुम्हाला पडलाच असेल. अमेरिकेची हि गुप्त विमान सेवा एका गुप्त ठिकाणी काम करणाऱ्या कर्मचाऱ्यांची ने-आण करण्याचे काम करते. लास व्हेगास माधील मकॅरन आंतरराष्ट्रीय विमानतळापासून ते अमेरिकेतील एरिया५१ या अत्यंत गुप्त ठिकाणी हे विमानसेवा ये जा करते. ही विमानसेवा अमेरिकेच्या हवाईदलाशी संबधित असल्याची नोंद करण्यात आली आहे.
राष्ट्रीय सुरक्षेचा प्रश्न असल्याने या विमानातून कोण प्रवास करते याची कुणालाही माहिती नसते. यातील प्रवाशांनाही कडक सुरक्षा तपासणी पूर्ण करुन मगच आत प्रवेश दिला जातो. कदाचित हे एरिया-५१ या अमेरिकेतील एका गुप्त लष्करी तळावर काम करणाऱ्या लष्करी अधिकाऱ्यांची ने-आण करण्याचे काम हे विमान करत असावे असा काहींचा अंदाज आहे. हे एरिया- ५१ काय आहे, तिथे काय केले जाते, याबद्दलही कुणाला फारशी माहिती नाही.
