आंतरराष्ट्रीय खगोलशास्त्र दिनाच्या निमित्ताने दुर्बिणीशिवाय उघड्या डोळ्यांनी उपग्रह पाहण्याची पद्धत शिकून घ्या !!

चला तर आज बोभाटाच्या माध्यमातून आपणही साजरा करू जागतिक खगोलशास्त्र दिन ! 

नुकतेच चीनचे एक रॉकेट अवकाशातून भरकटत मालदीव जवळ कोसळले. हा प्रसंग मनात ताजा असताना असाही प्रश्न मनात आला असेल की ही अंतराळातील स्पेस स्टेशन- कृत्रीम उपग्रह आकाशात दिसतात का? ग्रह तारे हे प्रचंड मोठे असतात त्यामुळे ते आपण आपल्या नजरेने बघू शकतो. ही स्पेस स्टेशन आणि उपग्रह त्यामानाने चिमुकलीच म्हणायला हवीत. त्यामुळे ती कदाचित नजरेस येतच नसतील. पण तसे नाही. ही स्पेस स्टेशन आणि उपग्रह पृथ्वीच्या कक्षेत जवळच्याअंतरावर असतात. त्यामुळेच ती बघायला दुर्बिणीचीही गरज भासत नाहीत. आकाश निरभ्र असेल आणि वेळ नक्की माहिती असेल तर तुम्ही तुमच्या डोळ्यांनी हे उपग्रह आकाशात बघू शकाल. 

यासाठी तुम्हाला एका संकेतस्थळाची मदत घ्यावी लागेल. https://james.darpinian.com/satellites/ या संकेतस्थळावर तुमच्या आकाशात किती वाजता कोणता उपग्रह बघायला मिळेल याची माहिती मिळेल. या संकेतस्थळावर जा. तुमचे 'लोकेशन' टाका. आज आणि पुढच्या दोन दिवसात रात्री तुम्ही कोणते उपग्रह बघू शकाल याची यादी उजव्या बाजूच्या कॉलममध्ये वाचायला मिळेल. जे उपग्रह दिसणार आहेत त्याचे 'व्हिज्युअल' पण सोबत बघायला मिळेल. इतकेच नाही तर 'रिमाइंडर' पण टाकता येईल, ज्यामुळे वेळेआधी तुम्हाला सूचना मिळेल. आज आणि उद्या तुम्हाला स्टार लिंक या सिरीजच्या अनेक उपग्रहांची माळ बघायला मिळेल. आज महाराष्ट्रात बर्‍याच ठिकाणी वादळी ढग आहेत त्यामुळे कदाचित संधी हुकेल. पण इतर कोणत्याही दिवशी तुम्ही आकाश दर्शन करून हा आनंद मिळवू शकाल.

आज रात्री ७.५५ वाजता

आज रात्री ८.१७

जर हे सॅटेलाइट तुम्ही बघू शकलात तर आम्हाला नक्कीच कळवा !!