परिस्थिती गंभीर तिथे भाऊ खंबीर हे वाक्य अनेकदा ऐकले असेल. भारतीयांना हे वाक्य बरोबर लागू होते. कारण आपण कोणत्याही परिस्थितीत असा जुगाड लावतो ज्याचा कुणी अंदाजही लावू शकत नाही. म्हणूनच भारतीय आणि जुगाड हे समीकरण जगात फेमस आहे. सध्या असेच एक जुगाड इंटरनेटला वेड लावत आहे.
दूधवाला माणूस मोटरसायकल वापरता वापरता कार वापरू लागला अशी उदाहरणं तुम्ही बघितली असतील. पण हा व्हायरल होणारा दूधवाला चक्क फॉर्म्युला वन गाडीवर गेला आहे. तर झाले असे की एका दुधवाल्याने दूध वाहून नेण्यासाठी बरेच दुधाचे कॅन ठेवता येतील अशी गाडी बनविण्याचा प्रयत्न केला. या प्रयत्नात त्याने थेट फॉर्म्युला वन गाडीसारखीच हुबेहूब गाडी बनवून टाकली.