विमानात बसायला कुणाला आवडणार नाही? पण तुम्ही किती दिवस विमानात बसू शकाल असे तुम्हाला वाटते? एक दिवस? दोन दिवस? की एक दोन महिने?
हा काय प्रश्न झाला का? विमानात बसायला आवडते म्हणून कोण बरे एक दोन महिने विमानातच बसून राहील? हे झालं तुमचं म्हणणं. पण काही अवलिया असेही असतात ज्यांना जगावेगळे काही तरी धाडसी कारनामे करायची हौस असते. हो दोन महिने म्हणजेच ६४ दिवसांचा विमान प्रवास करणारे अवलिये या जगात आहेत. दोन महिने विमानातच बसून राहण्याची कल्पना कदाचित तुम्हाला अगदीच कंटाळवाणी किंवा खूपच भीतीदायक वाटली असेल, पण वैमानिकांच्या एका जोडगोळीने ही कल्पना प्रत्यक्षात अंमलात आणून हिंमत ए मर्दा तो मदद दे खुदा ही म्हण सार्थ करून दाखवली आहे.
