मेंदू ताजातवाना ठेवण्याच्या ७ अफलातून ट्रिक्स !!

ऐकूनच झिणझिण्या आल्या ना ? पण हा एक रामबाण उपाय आहे राव. लिंबू चावल्याने तुम्हाला जाणवणाऱ्या झिणझिण्या तुमच्यात असलेली सुस्ती एका झटक्यात नाहीशी करेल. थोडा कठीण आहे पण ट्राय करून बघायला काय हरकत आहे ?

जेव्हा तुम्हाला जाणवेल की तुम्हाला झोप येत आहे आणि तुम्ही कधीही डुलक्या घेऊ लागाल तेव्हा तोंडावर थंड पाण्याचा शिडकाव करा. असं केल्याने तुमची झोप जाईल तुम्ही कामासाठी पुन्हा तयार व्हाल.

थंड पाण्याने चेहरा धुण्यासारखाच हा उपाय आहे. तुम्हाला जर चेहऱ्यावर थंड पाणी घ्यायला आवडत नसेल तर तुम्ही ही ट्रिक वापरू शकता. खास करून त्या मुलींसाठी ज्यांना आपल्या मेकअपची फार काळजी असते.

हा उपाय करताना तुम्ही दोन्ही कानांच्या पाळीला घट्ट दाबून धारा. कानाच्या पाळी जवळ असलेल्या विशिष्ट भागावर दाब दिल्याने तुमची झोप उडण्यास मदत होईल. ध्यानधारणेच्या वेळी झोप येऊ नये म्हणून वापरण्यात येणारी ही एक जुनी पद्धत आहे.

ही सगळ्यात सोप्पी पद्धत आहे मंडळी. कंटाळा आलेला असताना आणि जेव्हा आपल्याला थकवा जाणवतो तेव्हा तुम्ही जांभई दिल्यास तुम्हाला फ्रेश वाटेल. तस पाहायला गेलं तर कंटाळा आला म्हणजे जांभई ही येणारच पण नैसर्गिकरीत्या जांभई आल्यानंतरसुद्धा ६ ते ७ वेळा स्वतःहून जांभई दिल्याने तुमचा मेंदू पुन्हा काम करायला तयार होईल.

च्विंगगम, मिंट किंवा गोळी चघळत चघळत राहिल्याने तुमचा मेंदू एका जागी गुंतून राहतो आणि तुम्हाला कंटाळा येत नाही. मिंट ची टेस्ट कशी आहे यावरही बरचस अवलंबून आहे. टेस्ट जर झिणझिण्या आणणारी असेल तर त्याचा फायदा जास्त होईल.

अंगातला आळस झटकून टाकायला हा ऑप्शन जास्त फायदेशीर ठरू शकतो. आपल्या स्नायूंना सैल करून त्यांची मरगळ झटकून टाकल्याने तुमचा बराचसा थकवा आणि आळस नाहीसा होईल. जर तुम्हाला जमलं तर २० पुशअप्स देखील करू शकता. पण मंडळी, जर तुम्हाला खूपच कंटाळा आला असेल तर वरील ६ उपाय तर आहेतच.

मंडळी या ७ ट्रिक्स तुम्ही वेगवेगळ्या परिस्थितीनुसार आणि तुमच्या आवडीनुसार वापरू शकता. रोजच्या कामाला यामुळे नक्कीच ऊर्जा मिळेल.