सामन्यातील असामान्य - भाग २: मरणाच्या दारात असेपर्यंत रुग्णांची सेवा करणाऱ्या इंदौरच्या पहिल्या डॉक्टर....

त्यांचा जन्म उज्जैनजवळ १९२३ साली एका मराठी कुटुंबात झाला होता. एमजीएमच्या पहिल्याच बॅचमधील एकमेव महिला म्हणून त्यांना गौरविण्यात आहे. त्याचप्रमाणे डॉ. यादव या त्याकाळी मध्यभारतातील एमबीबीएससाठी निवड झालेल्या पहिल्या विद्यार्थिनी होत्या. 

डॉ यादव यांना सरकारी रुग्णालयात नोकरी मिळाली होती. पण ती नाकारत त्यांनी खासजी रुग्णालय सुरू केले. पण यामागील त्यांची भावना मात्र पैसे कमावण्याची नाहीतर गरिबांवर मोफत उपचार करता यायला हवा ही होती. डॉ यादव या त्यांच्याकडे येणाऱ्या श्रीमंत रुग्णांकडून फी घेत असत तर गरिबांचा उपचार निशुल्क केला जात असे. 

त्या १९४८ सालापासून स्त्रीरोगतज्ज्ञ म्हणून काम करत होत्या. त्यांनी आपल्या आयुष्यात तब्बल दीड लाखाहून अधिक प्रसूती केल्या आहेत. यातील एकाही प्रसूतीचे त्यांनी  पैसे आकारले नाहीत हे त्यांचं वैशिष्ट्य.

डॉ यादव यांच्या याच कार्यामुळे त्यांना संपूर्ण आयुष्यात अनेक पुरस्कारांनी गौरविण्यात आले. डॉ यादव यांना म्हणूनच सगळीकडे प्रेमाने डॉक्टर दादी म्हटले जाऊ लागले. त्यांचे कार्य उल्लेखनीय असण्यामागे मोठं कारण म्हणजे त्यांनी कुठली मोठी संस्था किंवा चळवळ न उभारता स्वतःपुरते आयुष्यभर रुग्णांची सेवा करत राहिल्या. तसेच आयुष्याच्या शेवटापर्यँत त्या आपल्या कामात सक्रिय होत्या. यावरून वैद्यकीय व्यवसायावर असलेले त्यांचे प्रेम देखील स्पष्ट होते.

अशा या एका महान भारतीयाला बोभाटाचा सलाम.