बसमध्ये छेडखानी करणाऱ्यास या मार्शल आर्ट्स प्रवीण महिलेने जे काय केलं ते प्रत्येक मुलीने शिकून घेतलं पाहिजे

या व्हिडिओत ती महिला त्याला मागून गळ्यात अशी पकडते की भावाला दिवसा चांदणे दिसतात. पोलिसांनी दिलेल्या माहितीनुसार तो इसम महिलेला मागून अंग लावत होता. महिलेने आधीतर त्याला नाकावर जोरदार ठोसा लगावला. नंतर त्याला गळ्यात घट्ट पकडून पार खाली बसवून मग ड्रायव्हरला गाडी पोलीस स्टेशनमध्ये नेण्यास सांगितली.

आता ब्राझीलमध्ये पण छेडखानीसाठी कायदे जबरदस्त आहेत. या कामात एखादा ५ वर्षांपर्यंत जेलमध्ये जाऊ शकतो. म्हणजे या भावाला बसमध्ये जबरदस्त मार बसला या बरोबरच तो आता कायदेशीर बाबींमध्ये सुद्धा चांगलाच गुंतू शकतो. सार्वजनिक ठिकाणी किंवा सार्वजनिक वाहनांमध्ये महिलांची छेडखानी करण्याचा प्रयत्न अनेक लोक करतात. यात त्यांना जर धडा शिकवला गेला नाही तर त्यांची हिंमत वाढते. पण काहींना मात्र कधीकधी जन्माची अक्कल येईल असा धडा मिळतो.

उदय पाटील