जगात कुठे काय दडले असेल सांगता येत नाही. आता हेच पाहा ना, ‘द रिपब्लिक ऑफ मॉलॉसीया’ हे नाव तुम्ही कधी ऐकले आहे का? नाही ना. खरे तर हे नाव तुम्हीच नाही, तर तुमच्या-आमच्यासारख्या असंख्य लोकांसाठी अपरिचितच असे आहे. हा एक छोटासा देश आहे. छोटा म्हणजे किती छोटा? तर अवघा एक एकर! हा देश आहे कुठे माहितेय? अमेरिकेत!
अमेरिकेत म्हणजे अमेरिका खंडात नव्हे हो, तर युनायटेड स्टेट्समध्येच उत्तर नेवाडाप्रदेशात हा एक एकराचा छोटासा ‘द रिपब्लिक ऑफ मॉलॉसीया’ हा देश आपले स्वतंत्र अस्तित्व टिकवण्यासाठी झगडत आहे. या देशाला आंतरराष्ट्रीय पातळीवर स्वतंत्र देश म्हणून युएस किंवा युएन यांनी अजूनही मान्यता दिलेली नाही आणि पुढेही देण्याची शक्यता नाही. खरं तर याला देश म्हणणं हाच मोठा विनोद आहे, पण या देशाच्या राज्यकर्त्याला मात्र आपला हा छोटासा जमिनीचा पट्टा म्हणजे एक स्वतंत्र देशच वाटतो.अगदी दीडशे अडीचशे एकर जमीन असणारे शेतकरीही जिथे स्वतःला आपण एवढ्या मोठ्या भूभागाचा राजा असल्याचे समजत नाहीत, तिथे या राज्यकर्त्याला आपली ही एकरभर जमीन स्वतंत्र का ठेवायची आहे?
तर याबद्दल या देशाचे अध्यक्ष केव्हिन बफ यांची नेमकी काय कल्पना आहे ते पुढे वाचा.
