नव्या जमान्यात लोकांना बिंज वॉचिंग आणि Netflix , Amazon prime, Disney hotstar सारख्या OTT ची चटक्ल लागलीय. कुठे अमक्याच वेळी ढीगभर जाहिरातींसोबत, एकाच एक प्रकारचे एपिसोड पाहा, त्यापेक्षा हवं तेव्हा, हव्या त्या डिव्हाईसवर, हव्या त्या भाषेत, हव्या त्या देशातला कार्यक्रम पाहा. शिवाय जाहिरातींचा व्यत्यय नाही. हे सगळं असतानाच सध्या तुमच्यासाठी आणि तुमच्या खिशासाठी एक चांगली बातमी आलीय. Netflix या अग्रगण्य ओटीटीने आपले मासिक शुल्क कमी केलंय. आज या लेखात पाहूयात Netflix च्या नव्या किंमती आणि तरुण प्रेक्षक वर्गाची बदलती मानसिकता.
आपल्याकडे सध्या OTTमध्ये बरेच पर्याय आहेत. हिंदी-इंग्रजी-प्रादेशिक भाषांसाठी Netflix , Amazon prime, Disney hotstar तर आहेच, पण याबरोबरच खास प्रादेशिक भाषांसाठीचीही ओटीटी चॅनेल्स आहेत. आपल्यापुरतं पाहायचं तर मराठीत प्लॅनेट एम आहे. अजूनही यात नवे गडी येतच राहातील. खरं पाहायचं तर लॉकडाऊनमध्ये ओटीटी चॅनेल पाहण्याचा कल प्रचंड वाढला. टिव्ही मालिका बंद होत्या, नवे काही बघायला नव्हते. घरात बसून प्रेक्षक ओटीटी प्लॅटफॉर्मकडे वळले. तिथे असणारे अनेक पर्याय, शिवाय जाहिराती नाहीत आणि विषयही नवीन, कधीही पाहता येणारा कार्यक्रम या सर्व कारणांमुळे ओटीटी चॅनेल बघणे वाढले. त्याच त्याच विषयाच्या रटाळ मालिका पाहण्याऐवजी नवे कलाकार आवडले. अनेक चित्रपटही आता ओटीटी वर प्रदर्शित होऊ लागल्याने घरबसल्या कुटुंबासोबत चित्रपटाचा आनंद घेता येऊ लागला. Netflix आणि अमेझॉन प्राईमवर अनेक नवनवीन हिंदी, इंगजी, तमिळ,न्तेलगू चित्रपट प्रदर्शित झाले. तसेच वेबसिरिज ही लोकप्रिय होऊ लागल्या. तसेही भारतात इंटरनेटचे प्लॅनही स्वस्त आहेत. त्यामुळे घरोघरी वायफाय दिसत आहेत.
