ट्रॅफिक पोलिसांना चिरीमिरी देण्याआधी या १० महत्वाच्या गोष्टी जाणून घ्या !!

मोटार व्हेईकल कायद्याच्या सेक्शन १३० मध्ये नमूद केल्याप्रमाणे ट्राफिक पोलिसांना तुम्ही कागदपत्र फक्त तपासण्यासाठी देऊ शकता. कोणताही अधिकारी तुमचे कागदपत्र जप्त करू शकत नाही. तुम्ही याची तक्रार त्यांच्या वरिष्ठ अधिकाऱ्यांकडे करू शकता. हा हक्क तुम्हाला कायद्याने बहाल केला आहे. तुमचे कागदपत्र घेण्याचा अधिकार फक्त ए.एस.आय.सारख्या पदावर असलेल्या व्यक्तीलाच आहे.

१. सिग्नल तोडणे. २. हेल्मेट शिवाय बाइक चालवणे. ३. प्रमाणाबाहेरच्या गतीने गाडी चालवणे. ४. गाडीला नंबर प्लेट नसणे. ४. लायसन्सशिवाय गाडी चालवणे. ५. रजिस्ट्रेशन नसलेली गाडी चालवणे. ६. पार्किंगचे नियम तोडणे. ६. अधिकृत इन्शुरन्स आणि पोल्युशन अंडर कंट्रोल सर्टिफिकेट (पीयुसी) शिवाय गाडी वापरणे. ७. गाडीत धुम्रपान करणे.

जर तुम्ही सिग्नल तोडला आहे, दोनपेक्षा जास्त लोक एकाच बाइक वर आहेत, दारू किंवा अन्य नशा करून गाडी चालवत आहात, अवजड समान नेणाऱ्या गाडीत प्रवासी बसवलेले आहेत, प्रमाणाबाहेर स्पीडमध्ये बाइक चालवत असल्यास किंवा गाडी चालवताना मोबाईल वर बोलत असल्यास ट्राफिक पोलिसांनी पकडलं तर अशावेळेस तुमचे लायसन्स जप्त करण्याचा अधिकार वाहतूक पोलिसांना आहे.

जर कोणत्या पोलिसाने लाच मागितली तर तो गुन्हा आहे. ट्राफिक पोलिसाने पकडल्यानंतर तुम्ही त्याचा नंबर आणि नाव तपासून घेणं गरजेचं आहे. जर युनिफॉर्मवर नाव आणि नंबर नसेल, तर तुम्ही त्यांना तुमचे कागदपत्र देऊ नका.

जर ट्राफिकचे नियम तोडताना पोलिसांनी पकडलंच तर, तुम्हाला १०० रुपयांच्या आतच दंड बसण्याची शक्यता आहे. हा दंडदेखील फक्त हेड कॉनस्टेबल घेऊ शकतो. १०० पेक्षा जास्त दंड घेण्याचा अधिकार फक्त एएसआई किंवा एसआई अधिकाऱ्यांना आहे.

मंडळी हे मुद्दे लक्षात ठेवा आणि पुढच्यावेळी जेव्हा पकडले जाल तेव्हा आपल्या अधिकाराचा योग्य उपयोग करा आणि फसवणूक होण्यापासून स्वतःला वाचवा!!