पंपावर CNG भरताना वाहनात बसून राहावे की उतरावे? प्रत्येक पंपावर वेगळे नियम, नक्की करावे तरी काय?

दुसरे कारण म्हणजे CNG च्या वासामुळे तुम्हाला चक्कर येऊ शकते. गॅस भरताना येणारा आवाज आणि वास दोन्ही तीव्र असतात. जर तुम्ही कारमध्ये असाल बरेचदा गुदमरल्यासारखे वाटते. या कारणामुळे वाहनातून बाहेर थांबणे जास्त महत्वाचे असते.

आणखी एक कारण म्हणजे सीएनजी पंपाचे मीटरही पेट्रोलपंपाच्या मीटरपेक्षा वेगळे असते. ते तपासून घ्यावे. त्यात कोणतीही फेराफेरी केली जात नाही हे टाळण्यासाठी मीटर तपासण्यासाठी कारमधून बाहेर पडण्यास सांगितले जाते.

अजून एक महत्वाची सूचना की फक्त वाहनचालकाने बाहेर पडावे असे नाही, तर त्याच्याबरोबर जे प्रवासी असतील त्यांनीही पेट्रोल स्टेशनपासून दूर थांबणे जास्त सुरक्षित असते.

तुमच्या कारमधील CNG किट ही गॅससाठी चार्ज-डिस्चार्ज सिस्टम आहे. रिफिलिंग करताना, तुमच्या कारच्या आत 200 पेक्षा जास्त बार दाबला जातो. हा दाब इतका जास्त असतो की कोणताही क्रॅक फुटू शकतो किंवा त्यात गळतीमुळे आग लागू शकते.

सीएनजी पंपावर काही नियम पाळले पाहिजेत, याची माहिती लिहिलेली असते. पण त्याबद्दल फारसे गांभीर्याने घेतले जात नाही. यामुळेच अनेक अपघातांना तुम्ही आमंत्रणच देत असता. परंतु वर दिलेल्या सर्व कारणांमुळे सीएनजी भरताना नेहमी कारमधून बाहेर पडावे असे सांगितले जाते. त्यामुळे अपघातापेक्षा सावधगिरी बाळगणे सोपे नाही का?

शीतल दरंदळे