आयफोन ७ लॉंच झाला; पाहा बरं नवीन काय आहे त्यामध्ये..

आजकाल लोकांना आयफोन घेऊन मिरवायची दांडगी हौस असते. आयफोन जवळ बाळगणे म्हणजे जणू त्यांचा तो स्टेटस सिम्बॉलच बनलाय. असो. जगातले तमाम आयफोन वेडे ज्याची मनापासून वाट बघत होते, तो आयफोन 7 आणि आयफोन 7 प्लस अॅपलने बुधवारी रात्री लॉन्च केलाय. पाहूया या नव्या आयफोनमध्ये नवं काय आहे ते..

कॅमेरा :

आयफोन 7 प्लसमध्ये आहे 7 मेगापिक्सल पुढचा  आणि 12 मेगापिक्सल ड्युअल रिअर कॅमेरा जो अगदी DSLR कॅमेर्‍याच्या तोडीचे फोटो काढू शकतो. या कॅमेराचे सेन्सर्स आधीपेक्षा 60% नी फास्ट आहेत आणि याचा प्रोसेसर फक्त 25 मिलीसेकंदात 100 अब्ज अॉपरेशन्स करू शकतो. 4 LED आणि क्वाड फ्लॅशसोबत कंपनीने या कॅमेरामध्ये अनेक नवी वैशिष्ट्ये दिली आहेत.

डिस्प्ले :

आयफोन 7 चा स्क्रीन आहे 4.7 इंच आणि आयफोन 7 प्लस चा 5.5 इंच. यामध्ये रेटिना HD तंत्रज्ञान वापरलंय. आणि आयफोन 6S पेक्षा हा आयफोन 25 % जास्त ब्राईट आहे.

बॉडी :
आयफोन 7 सोबत पहिल्यांदाच जेट हाय ग्लास फिनीशिंग मिळत आहे.  हा आयफोन जेट ग्लॉसी ब्लॅक, मॅट ब्लॅक, गोल्ड, सिल्व्हर आणि रोझ गोल्ड अशा पाच रंगात तुमच्यासाठी उपलब्ध असेल.

स्टोअरेज :

आयफोन 7 ची इंटर्नल स्टोअरेज क्षमता 32 GB, 128 GB आणि 256 GB अशी आहे.

आयफोन मध्ये A10 फ्युजन क्वाड कोअर चिप वापरली आहे. सोबतच आयफोन 7 हा डस्ट आणि वॉटर रेसिस्टंट आहे. आणि विशेष म्हणजे यावेळी या आयफोनला हेडसेट जॅक दिलेला नाहीय. भारतामध्ये आयफोन 7 लॉन्च होतोय 7 आक्टोबरला. आयफोन 7 ची किंमत आहे 60,000 रु. तर आयफोन 7 प्लसची किंमत 90,000 ते 1,00,000 रु पर्यंत आहे.