लाल रंगाचा रसरशीत टोमॅटो पाहिल्यावर कोणाच्या तोंडाला पाणी सुटणार नाही? डाएटिंगचं फॅड असणाऱ्यांचा तर टोमॅटोवर भारी जीव! अगदी पिझ्झा, बर्गरपासून ते रोजच्या भाजी-आमटीमध्येही सामावून जाणारा हा टोमॅटो कधी काळी विषारी समजून खाण्यास वर्ज्य मानले जात होते, असे सांगितल्यास कदाचित तुमचा विश्वास बसणार नाही पण हे खरं आहे.
१८ व्या शतकात टोमॅटो सारख्या फळालाही लोकांनी कोर्टात खेचलं होतं. या टोमॅटो ट्रायलमध्ये टोमॅटो निर्दोष सिद्ध झाला तेव्हाच सर्वसामान्य लोकांनी त्याला आपल्या आहारात स्थान दिले. पण, टोमॅटो विषारी कसा काय समजला गेला असेल?
