क्रिकेटमध्ये एकेका बॉलगणिक खेळ बदलत असतो. कधी काय होईल याचा नेम नसतो. शेवटच्या ओव्हरमध्ये जर २०-२५ धावा हव्या असतील आणि बॅटसमनने चौकार षटकार उधळत त्या धावा केल्या तर सामना अतिशय रोमांचक झाला असे आपण म्हणतो. मात्र आज आम्ही अशा सामन्याबद्दल सांगणार आहोत, ज्याची गणना रोमांचक प्रो-मॅक्स अशी करता येईल.
आयर्लंडमध्ये क्रिकेट क्लबचे सामने सुरू होते. क्रेगा आणि बालेमाना असे दोन क्लब एकमेकांसमोर होते. क्रेगा क्लबने उभी केलेली धावसंख्या गाठत असताना एक वेळ अशी आली की एकाच ओव्हरमध्ये बालेमानाला ३५ धावा करणे आवश्यक होऊन बसले. एका ओव्हरमध्ये ३५ धावा करायच्या तर सर्वच्या सर्व बॉल्सवर सिक्स मारणे गरजेचे होऊन बसते.
