९ ऑगस्ट भारताचा सहभागः आज पदकाची अपेक्षा नाही

पुरुषांच्या सिंगल स्कल स्पर्धेत दतू भोकनळ उपांत्यपूर्व फेरीत खेळेल. दत्तूची स्पर्धा ५:३० च्या सुमारास चालू होईल. 

संध्याकाळी ५:३०: संध्याकाळी २५मी पिस्टल स्पर्धेला सुरूवात होईल. आज याची क्वालिफिकेशन फेरी म्हणजे पात्रता फेरीपासून अंतिम फेरीपर्यंत सर्व फेर्‍या होतील. यात भारतातर्फे हीना सिधू सहभागी असेल. 

पुरुषांच्या वैयक्तिक स्पर्धांना सुरूवात होईल. यात भारताच्या 'अतानु दास'चा ५वा रँक आहे. आता दोन दोन स्पर्धकांचे समोरासमोर असे नॉक-आउट पद्धतीने सामने होतील.  भा.प्र.वे.नुसार रात्री ८:०५ वाजता अतानुचा सामना नेपाळच्या जीतबहादूरशी होईल. हा सामना जिंकल्यास पुढील फेरीही आजच रात्री होईल. जे खेळाडू हे दोन्ही सामने जिंकतील त्यांचे पुढील सामने शुक्रवारी असतील. 

संध्याकाळी ७:३० वाजता पुरुष हॉकीमध्ये भारतीय संघ अर्जेंटिनाला भिडेल. भारत सध्या ब गटात चौथ्या स्थानावर आहे.

७५ किलो वजनी गटाच्या स्पर्धांना आज सुरूवात होईल. याची आज पहिली फेरी असेल. भारतातर्फे विकास यादव यात सहभागी असेल.

आज ज्या स्पर्धांमध्ये पदके प्रदान होणार आहेत त्यापैकी केवळ शूटिंगमध्ये भारताचा सहभाग आहे. यात हीना सिधू ही वर्ल्ड कपमधील सुर्वर्णपदक विजेती असली तरी ती मुख्यतः १०मीटर एअर पिस्टल प्रकारातील मातब्बर खेळाडू आहे. ती २५ मी. पिस्टल या स्पर्धेत सहभागी झाली असली तरी तो तिचा मुख्य खेळ नव्हे. त्यामुळे अतिशय जिद्दीने तिने पदक खेचून आणले तरच, अन्यथा आजही भारताला कोणते पदक मिळेल असे वाटत नाही.आज एकट्या हीना सिधूच्या नेमबाजी स्पर्धेच्या पदकांचा निकाल लागणार आहे. आज भारताला पदक मिळेल अशी फारशी आशा नाही.