लहानपणी तुम्ही लगोरी खेळला असाल. ७ दगड एकमेकांवर रचायचे. दोन संघांपैकी एका संघातला गडी चेंडू मारून ही लगोरी पाडणार आणि ती परत उभी करण्यासाठी प्रयत्न करणार. दुसरा संघ हा पहिल्या संघाला लगोरी उभी करण्यापासून रोखणार. असा हा रोमांचक खेळ!!
लगोरी खेळामध्ये एक वेळ तुमचा नेम चुकला तरी चालेल, कारण तुम्हांला पुन्हा नेम घेऊन मारण्याची संधी असे, परंतु अँग्री बर्ड्स हा गेम बनवणाऱ्यांना मात्र पुन्हा संधी मिळणार नव्हती. तब्बल गेम्स बनवण्याच्या ५१ अयशस्वी प्रयत्नांनंतर आता यशस्वी होण्याशिवाय कोणताही दुसरा पर्याय त्यांच्यासमोर उरला नव्हता.
ही आहे रोव्हियो एंटरटेनमेंट ह्या गेम्स बनवणाऱ्या कंपनीची प्रेरणादायी यशोगाथा.
