शाहरूखची दिवाळी, सलमानची ईद आणि आमीरचा ख्रिसमस.. असा प्रत्येकाने आपापला प्रेक्षकवर्ग वाटून घेतलाय. त्या-त्या वेळांना सिनेमा रिलीज करणार्या इतर निर्मात्यांच्या हाती जास्त काही पडत नाही. यावेळेस दिवाळीत शाहरूखचा सिनेमा नाही, पण त्याचा मित्र करण जोहरचा सिनेमा आहेच आणि त्याचसोबत आतापर्यंत ट्रेलरच्या चर्चांमुळे गाजलेला ’शिवाय’ ही. तसा ’ऐ दिल..’ ही आतापर्यंत काही कमी चर्चेत नाहीच. या आठवड्यात हेच दोन मोठे सिनेमे रिलीज होत असल्याने अजून तिसरं कुणी तितकंसं स्पर्धेत नाहीय. त्यामुळं या दोघांचीच चुरस आहे.
पाहूयात दोन्ही सिनेमांच्या पारड्यात या दिवाळीच्या सुट्टीत काय आहे ते!