अन्नपदार्थांना वेगळी चव देणाऱ्या काजूचे हे ५ फायदे माहित आहेत का?

डोळ्यांचे आरोग्य:

काजूमध्ये डोळ्यांचे संरक्षण करणारे झेक्झॅन्थिन (zeaxanthin) आणि ल्युटीन(lutein) असतात. ल्युटीन हा व्हिटॅमिनचा एक प्रकार आहे. त्यामुळे डोळ्यांचे मोतीबिंदू पासून संरक्षण होते. जसे आपल्या त्वचेला सूर्यकिरण त्रासदायक ठरतात तसाच डोळ्यांनाही प्रदूषण आणि प्रखर सूर्य किरणांमुळे संसर्ग होतो. डोळयातील पडदाही खराब होऊ शकतो. काजूंमध्ये झेक्सॅन्थिन हे अँटीऑक्सिडंट असते, जे डोळयातील पडद्याद्वारे शोषले जाते आणि डोळ्यांचे हानिकारक अतिनील किरणांपासून संरक्षण करते.

काजू खाल्ल्यानंतर शरीराला आवश्यक असलेले फॅट मिळण्यास मदत होते. पण वजन नियंत्रणात ठेवायचे असल्यास तंतुमय पदार्थ चांगले, आणि काजूमध्ये भरपूर तंतू असतात. अशा पदार्थांमुळे पोट भरल्यासारखे वाटते. काहीही खाण्याची इच्छा होत नाही. याशिवाय काजूमध्ये असलेले मॅग्नेशीअम पचनशक्ती वाढवते. यामध्ये असलेली कार्बोदके वजन कमी करण्यास मदत मिळते. काजू योग्य प्रमाणात खाल्ले तर वजन कमी करण्यास मदत मिळते. काजू कच्चे खाणे जास्त चांगले, भाजून किंवा तळून खाल्यास कॅलरीज जास्त वाढतात.

काजूमध्ये जस्त, लोह, फॉस्फरस खच्चून भरलेले असते. यासोबतच काजूमध्ये प्रोटीन आणि अँटीऑक्सिडंट घटक असतात. हे घटक त्वचेसाठी खूप चांगले असतात आणि सुरकुत्याही कमी येतात. त्यात सेलेनियम सुद्धा असते ज्यामुळे फ्री रॅडिकल्समुळे होणारे त्वचेचे नुकसान वाचते. तसेच सेलेनियममुळे कर्करोगापासूनही रक्षण होते. खूप ठिकाणी काजूच्या गरापासून तेल काढले जाते. या तेलाचा वापर केसांसाठी आणि त्वचेसाठीही केला जातो. त्वचेसाठी हे तेल वापरल्यास त्वचाही तजेलदार दिसू लागते.

चमकदार केसांसाठी असलेला महत्वाचा घटक म्हणजे तांबे. काजू तेलामध्ये असलेले तांबे त्वचा आणि केसांमध्ये असलेले मेलानिन तयार करतात. या मेलानिनमुळे केसांचा रंग काळा राहण्यास मदत होते. तसेच मेलानिन केस अकाली पांढरे होण्यापासून वाचवते. तेलामध्ये मुबलक प्रमाणात लिनोलिक (linoleic) आणि ओलिक ऍसिड (oleic acids)असते, ज्यामुळे केसांची वाढ छान होते. केसांना चमक मिळून ते दाट होण्यास मदत होते.

आपल्या नेहमीच्या सुक्यामेव्यातल्या या घटकात इतके फायदे असतात हे तुम्हांला माहिती होते का? ही माहिती तुम्हांला कशी वाटली, आवडल्यास नक्की शेअर करा.

लेखिका: शीतल दरंदळे