आज कितीही आधुनिक झालो तरी वाहन चालवायची मक्तेदारी ही पुरुषांची आहे असे मानले जाते. स्त्रियांच्या गाडी चालवण्यारून आजही जोक फिरतात. पण खरेतर जगात लांब पल्ल्याचा प्रवास करणारी ही स्त्रीच होती. [ महिला चालकांना कितीही नावं ठेवा, पण या बाईंमुळेच आज आपण कार चालवत आहोत..
महिला चालकांना कितीही नावं ठेवा, पण या बाईंमुळेच आज आपण कार चालवत आहोत...
हे झालं जुनं. पण आज आम्ही अश्या अम्मांची कहाणी सांगणार आहोत ज्या ७१ वर्षाच्या असूनही रोड रोलर्सपासून ट्रॅक्टरपर्यंत सर्व काही कुशलतेने चालवू शकतात. त्यांच्याकडे कोणत्याही प्रकारचे वाहन चालवायचे चक्क ११ परवाने आहेत. त्या आजही त्यांचे ड्रायव्हिंग स्कूल कोचीमध्ये चालवतात. हेच नाही, तर या वयातही त्या न थकता वाहन चालवतात. आपण त्यांची प्रेरणादायी कहाणी वाचूयात.
केरळमधील कोची येथील थोपूमपाडी येथे राहणाऱ्या जे. राधामणींना प्रेमाने 'मनियम्मा' म्हणतात. राधामणी या जड वाहनाचा परवाना मिळवणाऱ्या केरळमधील पहिल्या महिला आहेत. त्या अवघ्या १७ वर्षाच्या होत्या तेव्हा लग्न करून कोचीतल्या थोपूमपाडी येथे आपल्या पतीसोबत आल्या. त्या तेव्हा दहावीसुद्धा झाल्या नव्हत्या. लग्न झाल्यावर १० वी चा निकाल लागला. त्यांना तेव्हा सायकल ही येत नव्हती . त्या काळी महिलांनी गावात सायकल चालवणे सामान्य नव्हते. तसेच साडीत ती शिकणे सुद्धा सोपे नव्हते. पण त्यांच्या पतीने त्यांना साथ दिली. त्या पहिले वाहन शिकल्या ते म्हणजे कार !
