प्रजासत्ताक दिनाच्या पूर्वसंध्येला ज्याप्रमाणे विविध क्षेत्रात कर्तृत्व गाजवणाऱ्या लोकांना पद्म पुरस्कार घोषित केले जातात. त्याचप्रमाणे पोलीस दलातील असामान्य कर्तृत्व दाखवणाऱ्या अधिकारी/ कर्मचाऱ्यांना राष्ट्रपती पदक घोषित केले जाते. यात काही पदके ही शौर्यपदक म्हणून दिली जातात. पद्म पुरस्कारांप्रमाणे हे पुरस्कार एका व्यक्तीला आयुष्यात फक्त एकदा दिली जात नाहीत. एकापेक्षा जास्त वेळ कर्तृत्व दाखवले तर एकापेक्षा जास्त वेळ राष्ट्रपती पदक मिळू शकते.
यावर्षी देशभरात ९३९ पोलीस कर्मचाऱ्यांना राष्ट्रपती पदके घोषित केली गेली आहेत. यातली १८९ पदके हे शौर्यपदक म्हणून घोषित करण्यात आले आहेत.
या नावांमध्ये एक नाव मात्र विशेष आहे. कारण त्यांना एक दोन नव्हे, तर तब्बल ११ व्यांदा घोषित झाले आहे. दिल्ली पोलीस स्पेशल सेलचे डीसीपी संजीव कुमार यादव यांना राष्ट्रपतींचे पोलीस मेडल फॉर गॅलंट्री घोषित झाले आहे.
