सहसा आपण परदेशात प्रवास करतो तेव्हा तिथं प्रवास करताना लोकल बस, ट्रेन असा सार्वजनिक वाहतुकीचा पर्याय निवडतो. पण जर समजा परदेशांतल्या लोण्यासारख्या मस्त गुळगुळीत आणि तितक्याच नेत्रसुख देणाऱ्या रस्त्यांवर तुम्हाला गाडी ड्राईव्ह करता आली आणि तेही आपल्या भारतीय ड्रायविंग लायसन्सवर... तर?
हो, हे शक्य आहे. तुम्हांला माहित आहे का, की आपलं हे भारतीय ड्रायविंग लायसन्स हे बऱ्याचश्या परदेशात चालतं?? माहित नसेल तर हरकत नाही. आज आम्ही घेऊन आलोय ९ अशा देशांची यादी, जिथे फिरताना तुम्हाला फक्त एखादी गाडी भाड्याने घेऊन स्वतः ड्राईव्ह करत अफलातून सफरीवर निघता येईल.
