मिस युनिव्हर्स या सौंदर्य स्पर्धेकडे जगभरातले लोक डोळे लावून असतात. मागच्या वर्षी ही स्पर्धा कोरोना महामारीमुळे पुढे ढकलण्यात आली होती, त्यामुळे यावर्षी ती आयोजित केली गेली. हे स्पर्धेचे ६९वे वर्ष होते. यंदा मिस युनिव्हर्स बनण्याचा मान मेक्सिकोची एंड्रिया मेजा हिला मिळाला आहे. हे सगळं सविस्तर यासाठी की शेवटच्या पाचमध्ये भारताच्या अॅडलिन कॅस्टेलिनोचा समावेश होता. तिने भारतात घेण्यात येणाऱ्या 'मिस दिवा युनिव्हर्स २०२०' स्पर्धा जिंकून 'मिस युनिव्हर्स' स्पर्धेत आपली एन्ट्री पक्की केली होती. तिने मिस युनिव्हर्सपद मिळवलं नसलं तरी तिच्या यशाचं सर्व स्तरांतून कौतुक होत आहे.
आजच्या लेखातून भारताचे नाव उंचावणाऱ्या अॅडलिनची ओळख करून घेऊया.
