काय मंडळी, कसा चाललाय लॉकडाऊन? आता काही ठिकाणी निर्बंध शिथिल होत आहेत, पण म्हणून लगेच आधीसारखं सगळं सुरुही होणार नाहीय. आता तर कंटाळ्याचासुद्धा कंटाळा आला असेल. म्हणूनच तो कंटाळा घालवायला आम्ही घेऊन आलोय काही सुपरडुपर रेट्रो गेम्स!
आता तुम्ही विचाराल, हे काय प्रकरण? जरी पहिला व्हिडिओ गेम १९५८ साली आला असला तरी कॉम्प्युटर गेम्सचा उत्कर्ष साधारणतः ८०च्या दशकात झाला. गेमचे ग्राफिक्स, संगीत, कल्पना ह्यामध्ये विलक्षण बदल घडून आला. म्हणजे हे गेम्स आजच्या गेम्सचे जणू बापच म्हणा ना! हे गेम्स अजूनही आपल्याला का खिळवून ठेवतात? कारण हे गेम्स आपल्याला ह्या जगातून एका वेगळ्या जगात सहजतेने घेऊन जातात. त्यामुळे रेट्रो गेमिंगची ही क्रेझ अजूनही टिकून आहे. म्हणूनच नेटवर फ्री उपलब्ध असलेल्या गेम्सच्या लिंक्स आम्ही देत आहोत. पण जे गेम्स उपलब्ध नाहीत ते डाउनलोड करण्यासाठी वेबसाइट्स आहेत. अशाच काही अफलातून रेट्रो गेम्सची माहिती आपण घेऊया!
