जीवघेण्या प्राण्यांच्या कचाट्यात सापडल्यावर त्यातून बाहेर पडणे तसे खूप कठीण काम असते. पण अनोखी युक्ती करून अशा हल्ल्यातून सुखरूप वाचता येते, हे मध्यप्रदेशातील दोन तरुणांनी दाखवून दिले आहे.
मध्य प्रदेशातील बुऱ्हाणपूर जवळील नेपानगर येथील ही घटना आहे. संध्याकाळची वेळ होती. फिरोज आणि साबीर मंसुरी हे दोन्ही भाऊ वाढदिवसासाठी केक आणण्यास गेले होते. केक घेऊन परत येत असताना एका उसाच्या शेताजवळ बिबट्याने त्यांना गाठले. मोटरसायकलवर बिबट्याने आपल्या पंज्याने वार करण्यास सुरुवात केली. जवळपास अर्धा किलोमीटर त्यांचा मृत्यूशी लपंडाव सुरू होता. मोटरसायकल पळविण्याचा प्रयत्न पण यशस्वी होत नव्हता. जवळपास बिबट्याला आवरण्यासाठी कुठले हत्यार नव्हते, अशी कोंडी या भावंडांची झाली.
