सध्या कुणीही 'लाट' म्हणले तर भीतीच वाटते. पण आज कोरोनाच्या लाटेविषयी नाही तर उष्णेतेच्या लाटेविषयी चिंता व्यक्त केली जात आहे. आणि ही उष्णतेची लाट चक्क बर्फ पडणाऱ्या देशात आली आहे. एरवी थंडीमुळे बर्फ होणारे देश उष्णतेच्या लाटेत अक्षरशः भाजून निघत आहेत. इतके की आजपर्यंत १०० हून जास्त लोकांचा मृत्यू या उष्णतेमुळे झाला आहे.
कॅनडा आणि वायव्य अमेरिकेत सध्या ही उष्णतेची लाट आली आहे. एरवी कॅनडा म्हटलं की बर्फाच्छादित प्रदेश डोळ्यासमोर येतो. तिथली थंडी आठवते. पण त्याच कॅनडात तापमान पन्नास अंशांजवळ पोहोचलं आहे. एरवी इथे ३० डिग्रीच्या वर तापमान जात नाही.
