रशिया आणि युक्रेन युद्धाच्या बातम्या भारतापर्यंत पुरेशा येत नसल्या तरी अजूनही तिथे मोठे युद्ध सुरू आहे. हे युद्ध सुरु होऊन २५ दिवस उलटून गेले आहेत. बलाढ्य रशियासमोर कमकुवत युक्रेन मोठा लढा देत आहे. आजवर अशा लढाईत स्वतच्या प्राणांची बाजू लावून जागतिक स्तरावर हिरो ठरलेले अनेक पुरुष तुम्हांला माहीत असतील. पण सध्याच्या या युद्धातील एका महिलेचे हौतात्म्य मात्र जगभर चर्चेचा विषय ठरत आहे.
ओल्गा सेमीडानोवा या रशियासोबत लढत असताना धारातीर्थी पडल्या आहेत. डोनेत्स्क या शहरात सुरू असलेल्या लढाईत कॉम्बॅट मेडिक असलेल्या ४८ वर्षीय ओल्गा यांना मरण आले. ओल्गा या ज्या निकराने लढत होत्या, ते ज्यांनी बघितले आहे त्यांच्यासाठी त्यांचे शहीद होणे हा मोठा धक्का आहे.
