निवृत्तीनंतरचे आयुष्य कसे असावे याची तजवीज अनेक नोकरदार करत असतात. प्रत्येकाच्या रुचीप्रमाणे निवृत्तीनंतरचे नियोजन बदलत असते. काही नातवंडांमध्ये रमतात, काही गावाकडे राहायला जातात, तर काही लोक आयुष्यभर काम केले आता थोडा आराम करावा या मानसिकतेतून आराम शोधत असतात. अर्थातच, कुठल्याही प्रकारचे आयुष्य जगणे काही गैर नाही.
आपल्याकडे असेही काही नोकरदार आहेत, ज्यांच्या निवृत्तीनंतरच्या कामाचीसुद्धा सर्वच स्तरावरुन दखल घेतली गेली. गुजरातच्या रामटेकडी परिसरात राहणारे रामजीभाई मकवाना यांची कहाणी ऐकली तर कुणालाही आदर्श घ्यावा असेच वाटेल.
