या स्पर्धेमध्ये तब्बल ४७ सुवर्णपदके पणाला लागणार अहेत. यापैकी २४ ट्रॅकवर, १६ 'फील्ड'वर, दोन संयुक्त ठिकाणी तर पाच रस्त्यांवर होणाऱ्या स्पर्धेतून ठरतील. ऑलिंपिकचे घोषवाक्य Citius, Altius, Fortius’ (‘अधिक वेगात, अधिक उंचावर, अधिक ताकदीने’) सार्थ ठरवणाऱ्या या क्रीडाप्रकारात चालण्यापासून मॅरॅथॉनपर्यंत सारे खेळ आहेत. घाबरु नका, यातील प्रत्येक खेळाची माहिती इथे देत नाही आहोत.
त्या-त्या स्पर्धा चालू असताना त्याबद्दल बोलूच. ऑलिंपिकमधला सर्वात जास्त पदके मिळवून देऊ शकणाऱ्या या प्रकारात साधारण दोन हजार खेळाडू भाग घेणार आहेत. मात्र भारतातर्फे फक्त ३६ खेळाडू क्वालिफाय होऊ शकलेत. आणि गंमत म्हणजे हा आजवरचा या प्रकारातला सर्वात मोठा आकडा आहे.
स्पर्धा कुठे होणार?: दरवेळेप्रमाणे खास ऑलिंपिकसाठी बांधलेल्या 'ऑलिंपिक स्टेडीयम'मुख्य स्टेडियममध्ये या स्पर्धा होतील. मेरेथॉनसारख्या स्पर्धा रियोमध्ये अन्यत्र सुरू होतील पण त्यांचा निकाल या मैदानावर लागेल. सदर मैदान यासाठी सज्ज झाले आहे.
स्पर्धा कधी होणारः १२ ऑगस्टपासून या महासोहळ्याला सुरवात होईल. तेव्हापासून ते ऑलिंपिकचे शेवटचे पदक २१ ऑगस्टला याच क्रीडाप्रकाराचे (पुरुष मॅरेथॉन स्पर्धेचे) असेल तोवर ही स्पर्धा चालू असेल.
यावेळी भारताकडून कोण?
भारत या स्पर्धांमध्ये कधीच एकही पदक मिळवू शकलेला नाही. यावेळी तब्बल ३६ अॅथलिटस ऑलिंपिकसाठी पात्र ठरले आहेत (गेल्यावेळी तर केवळ १३ खेळाडू पात्र ठरले होते)
पुरुषः
५० किमी चालणे: संदीप कुमार
२० किमी चालणे: मनिष रावत, गुरमित सिंग, गणपती कृष्णन
पुरुष मॅरेथॉन: नितेन्द्र रावत, गोपी थोनाकल, खेताराम
थाळी फेक: विकास गौडा (४थे ऑलिंपक क्वालिफिकेशन, आशियाई ब्रॉन्झ, राष्ट्रकुल रौप्य, जागतिक स्पर्धा ७वा, अथेन्स १४वा, बीजिंग २२वा, लंडन ८वा, राष्ट्रकुल सुवर्ण)
गोळाफेकः इंदरजीत सिंग
ट्रिपल जम्पः रणजित महेश्वरी (राष्ट्रकुल ब्रॉन्झ, आशियायी सुवर्ण)
२००मी धावणे: धरमवीर
४००मी धावणे: मुहमद याहिया
४ X ४००मी रीले: अरोकिया राजू, कुन्हू मुहम्मद, धरुण, मोहनकुमार, ललित माथूर, मुहमद याहिया
८०० मी धावणे: जीन्सन जॉन्सन
लांब उडी: अंकित शर्मा
महिला:
१००मी धावणे: दुत्ती चंद
२०० मी धावणे: श्रावणी नंदा
४०० मी धावणे: निर्मला
८००मी धावणे: टिन्टू लुका (पीटी उषाची विद्यार्थिनी, आशियाई ब्रॉन्झ, गेल्या ऑलिंपिकला सेमी फायनल पर्यंत मजल, गेल्या आशियायी स्पर्धेत सुवर्ण)
३००० मी अडथळा शर्यत: सुधा सिंग (दुसरे ऑलिंपिक्स - आशियाई सुवर्ण, रौप्य), ललित बाबर
थाळी फेक: सीमा अन्टील (तिसरे ऑलिंपिक्स - गेल्यावेळी १३व्या व १४व्यास्थानावर)
गोळाफेकः मनप्रीत कौर
ट्रिपल जम्पः रणजित महेश्वरी (राष्ट्रकुल ब्रॉन्झ), मयुखा जॉनी
४ ४००मी रीले: पुव्वम्म, अनिल्डा, जीस्ना मॅथ्यु, अश्विनी अकुन्जी, देबश्री मजुमदार, निर्मला
यावेळी भारताला पदकाची आशा? शक्यता जवळजवळ नाहीच, मात्र इतक्या मोठ्या संख्येने भारतीय अॅथलिट्सने क्वालिफाय होणे ही आनंदाची गोष्ट आहे. विकास गौडा, टिन्टू लुका हे अंतिम फेरीपर्यंत जाऊ शकतात.
