उंदरांचं मंदिर, अवकाशातून दिसणारा कुंभमेळा- भारताबद्दलच्या या भन्नाट १३ गोष्टी तुम्हांला माहित आहेत का?

सुरूवात करू आपल्या देशाच्या स्वर्गापासून, काश्मिरमधल्या दल सरोवरात भारतीय पोस्ट खात्यानं आपली एक शाखा उघडलीय. हे अशा प्रकारचं एकमेव पोस्ट ऑफिस भारतात आहे. 

हिमाचल प्रदेशातल्या चाली मिलिटरी स्कूलसाठी  १८९३साली बांधलं गेलेलं चाली  या ठिकाणी असलेलं क्रिकेटचं ग्राऊंड हे समुद्रसपाटीपासून २४४४मीटर इतक्या उंचीवर आहे.  हे जगातलं सर्वाधिक उंचीवर असलेलं मैदान आहे. 

काय, आश्चर्य वाटलं ना? हे खरं आहे.  हा पूल बांधायला इतक्या स्टीलच्या सळ्या वापरल्या गेल्या आहेत की त्या एकत्र केल्या तर पृथ्वीच्या परीघाइतक्या होतात म्हणे.

थोडी हास्यास्पद गोष्ट खरी, पण गोष्ट खरीच आहे. भारताच्या इस्त्रोने बनवलेला पहिला उपग्रह वजनाने इतका हलका होता की तो थुंबाहून तिरूअनंतपुरमला सायकलवरून वाहून नेला.

विकीपिडियावरच्या माहितीनुसार अमेरिकेत सुमारे ३० कोटी लोक इंग्रजी बोलतात. तर भारतात त्या खालोखाल १२.५कोटी लोक इंग्रजी बोलतात. आधीच इतक्या भाषा भारतात आहेत, त्यात या जागतिक भाषेची आणखी एक भर. नाही का?

भारतात सुमारे ३०% लोक शुद्ध शाकाहारी आहेत. त्या खालोखाल इस्त्रायलमध्ये १३ आणि स्वीडनमध्ये १०% लोक शाकाहारी आहेत. इतर देशांत १०%हून कमी लोक शाकाहारी आहेत. चला, कुठे ना कुठे भारताचा जगात पहिला नंबर लागला म्हणायचा.

इथंही पहिला क्रमांक अमेरिकेने पटकावलाय आणि भारत जगातल्या सर्वाधिक दुध उत्पादन करणार्‍या देशांच्या यादीत दुसर्‍या क्रमांकावर आहे.

कुंभमेळा हा बारा वर्षांतून एकदा भरतो. त्यावेळी बरीच जनता जमते. नुकत्याच झालेल्या कुंभमेळ्यात १२ कोटी लोक सहभागी झाल्याची बातमी आहे. अर्थातच इतक्या लोकांची गर्दी अवकाशातूनही दिसून येते.

मेघालयातल्या खासी पर्वतरांगांमधला ’मौसीनराम’ हा जगातील सर्वाधिक पावसा़चा प्रदेश आहे. इथे वर्षाला सरासरी ४६७इंच पाऊस पडतो. इथे म्हणे वर्षभर छत्री घेऊनच घराबाहेर पडावे लागते.

भारताने आजवर कबड्डीमध्ये झालेल्या सर्वच स्पर्धा जिंकल्या आहेत. स्त्री आणि पुरूष या दो्नही गटांतले  अंतिम सामने भारतानेच जिंकले आहेत. या खेळात भारताला आजवर १० सुवर्णपदके मिळाली आहेत. उगीच नाही एकदम प्रो-कबड्डीला आजकाल इतका भाव मिळत आहे ते!!

राष्ट्रपती असताना डॉ. ए. पी. जे. कलामांनी स्वित्झर्लंडला भेट दिली होती. त्या निमित्ताने त्या देशाने २६मे हा दिवस सायन्स डे म्हणून जाहिर केला आणि तो आजतागायत साजरा केला जातो. 

पूर्वी हॉट एअर बलूनमधून पत्रं हवाईमार्गे पाठवण्याचे प्रकार झाले होते पण पत्रांचे गठ्ठे विमानानं पाठवण्याचा प्रयत्न कधी झाला नव्हता. जगाच्या इतिहासात असा पहिला प्रयोग करण्याचा मान भारतीय टपाल खात्याकडे जातो. १८ फेब्रुवारी १९११ या दिवशी सुमारे ६५००पत्रांनीअलाहाबाद ते नैनी असा ५ मैलांचा प्रवास केला. हे नैनी म्हणजे नैनीताल नव्हे तर उत्तरप्रदेशातलं अलाहाबाद जवळचं एक गांव आहे. हे विमान हेन्री पिकेट नावाच्या फ्रेंच पायलटने चालवले होते. 

हा अवघा तेरा मिनिटांचा प्रवास, पण त्याने एक इतिहास घडवला. 

बिकानेरजवळ एक करनी मातेचं मंदिर आहे. त्या मंदिराला उंदरांचं देऊळ पण म्हटलं जातं. कारण माहित आहे? त्या देवळात  जवळजवळ २०,०००हून अधिक उंदरं आहेत. करनी मातेचा अंश या उंदरात आहे असं तिथं मानलं जातं. मग काय, उंदरांची चंगळच चंगळ!!