फुटबॉल शौकिनांसाठी मोठी बातमी आहे. जागतिक फुटबॉलमधील सर्वात लोकप्रिय खेळाडू समजला जाणारा ख्रिस्तीयानो रोनाल्डो त्याचा जुना क्लब असलेल्या मँचेस्टर युनायटेडमध्ये परतला आहे. क्लबने स्वतः ट्विट करत या बातमीवर शिक्कामोर्तब केले.
तब्बल १२ वर्षांनी त्याचे पुनरागमन मँचेस्टर युनायटेडमध्ये होत आहे. सध्या रोनाल्डो युव्हेंट्स क्लबकडून खेळत होता. या क्लबसोबत मँचेस्टरने तब्बल २१६ कोटी रुपयांची डिल केली आहे. याआधी रोनाल्डो २००३ ते २००९ या काळात मँचेस्टरकडून खेळत होता.
रोनाल्डोबद्दल वेगळे सांगण्याची गरज नाही. मँचेस्टरमध्ये रोनाल्डो परतला ही सध्याच्या घडीला जगातली मोठी बातमी ठरली आहे. आजवर फुटबॉलमधील सर्वात प्रतिष्ठित समजला जाणारा बॅलेन डी ओर पुरस्कार ५ वेळा जिंकणारा हा खेळाडू आहे.
