आज आम्ही तुम्हांला टाईमपास करण्यासाठी एक मस्त गंमतीशीर खेळ सांगणार आहोत. त्यासाठी तुमच्याकडे फक्त एक अँड्रॉईडवाला फोन असायला हवा. तो काय, तुमच्याकडे आहेच. सर्वात आधी सेटिंगमध्ये जा. तिथं Language and Input असेल. त्यावर क्लिक करुन Language या ऑप्शनमध्ये जा आणि 'मराठी' भाषा ॲड करा. आता तुम्हांला लिस्टमध्ये English आणि मराठी या दोन भाषा दिसतील. मराठीवर बोट दाबून धरा आणि तो शब्द वरती ढकलायचा प्रयत्न करा. आताही तुमच्याकडे मराठी आणि इंग्रजी या दोन भाषा असतील, पण प्राधान्य मराठीला दिलं जाईल.
आता ते सगळं बंद करुन बाहेर म्हणजे होमस्क्रीनला या. आपल्या मोबाईलचं मधलं बटन दाबून धरा. हे केलं, की आपल्यासमोर गुगल असिस्टंट ओपन होईल. आता या गुगल असिस्टंटशी मराठीत गप्पा मारा आणि ती काय उत्तरं देते पाहा.
