दारू किंवा कोणताही अंमलीपदार्थ न घेता जर नशा चढत असेल आणि या नशेत हातपाय लटपटत असतील तर? तुम्हाला खरं वाटणार नाही, पण हे घडू शकतं. याला एबीएस सिंड्रोम म्हणतात. एबीएस सिंड्रोम म्हणजे ऑटो-ब्रिव्हरी सिंड्रोम. ६२ वर्षाच्या निक कॅर्सनला हाच सिंड्रोम असल्याने त्याला दारू न पिताही नशा चढते. ऑटो-ब्रिव्हरी सिंड्रोममुळे त्याला असा त्रास होतो, पण याचा उलगडा होण्याआधी त्यालाही कळत नव्हते की नेमके त्याच्या सोबत काय घडते आहे?
एबीएस सिंड्रोम असणाऱ्या व्यक्तीच्या शरीरात विशिष्ट प्रकारचे जंतू असतात. या जंतूमुळे त्याच्या शरीरातील कर्बोदके (Carbohydrate) आंबतात. शरीरात कर्बोदके आंबली की त्यातून इथेनॉल तयार होते. हे इथेनॉल लहान आतड्यात जाऊन साठते. ज्यामुळे रक्तातील अल्कोहोलचे प्रमाण वाढते आणि व्यक्तीला नशेत असल्याचा अनुभव येतो.
