काश्मीरच्या खोऱ्यात वसलेल्या भारतातल्या एकमेव तरंगत्या भाजी मंडईची मनोहरी दृश्य !!

काश्मीर आपल्या सौंदर्याने जगभरातील पर्यटकांना आकर्षित करत असते. पर्यटक इथे येतात आणि इथलं निसर्गसौंदर्य पाहून सुखावतात. निसर्गाने इथे सौंदर्याची मुक्तहस्ते उधळण केली आहे.

काश्मीरला आल्यानंतर पाहायलाच हवं असं ठिकाण म्हणजे "दल सरोवर". यालाच "Lake of Flowers" किंवा "काश्मिरच्या सौंदर्याचा ताज" असदेखील म्हंटल जातं. दल सरोवर काश्मिरच्या स्थानिक व्यवहाराचा महत्त्वाचा भाग आहे.

या सरोवरात एक तरंगती भाजी मंडई आहे. ही नेहमी हाऊसबोटींनी आणि लिलीच्या सुंदर फुलांनी वेढलेली असते.

ही भाजी मंडई काश्मीर खोऱ्यातल्या श्रीनगर आणि इतर अनेक गावांना भाजीपाल्याचा पुरवठा करते.

ही भाजी मंडई इथल्या रहिवाशांच्या उत्पन्नाच्या मुख्य साधनांपैकी एक आहे. इथल्या रहिवाशांनीच ही मंडई तयार केली आणि ती वाढवली आहे.

इथले व्यापारी या मंडईतून गरजेच्या वस्तूंची खरेदी करतात आणि त्या वस्तू श्रीनगरच्या आजूबाजूच्या गावांमध्ये विकतात.

या मंडईत भाजीपाला विक्रेते आपला माल बोटींमध्ये भरून आणतात आणि सरोवरात येऊन विकतात.

त्याचबरोबर तुम्हाला या सरोवरात गिऱ्हाईकांची वाट बघत बसलेले अनेक भाजी विक्रेते दिसतील.

देशातल्या इतर अनेक भागांप्रमाणे दल सरोवरातल्या भाजी विक्रेत्यांनाही कोरोना व्हायरसमुळे उद्भवलेल्या परिस्थितीचा फटका बसला आहे. श्रीनगरमध्ये जवळपास ४००० कोरोनाबाधित रुग्ण सापडले आहेत आणि आजवर जवळपास १०० जणांचा मृत्यू झाला आहे.

अशा अनेक विक्रेत्यांनी ही मंडई फुलून गेलेली असते.

ही तरंगती भाजी मंडई श्रीनगर मधील एक सर्वोत्तम पर्यटन स्थळ आहे. 

तिथली शानच म्हणा ना!!

लेखक : सौरभ पारगुंडे