भाऊ, रेड अलर्ट म्हणजे काय ? सतर्कतेचा इशारा देण्यासाठी कोणकोणते अलर्ट्स जारी केले जातात ?

ग्रीन अलर्टचा अर्थ होतो सर्व ठीक आहे. कोणतंही संकट नाही.

यलो अलर्टचा अर्थ होतो पुढील काही दिवसांमध्ये हवामान बदलामुळे संकट ओढवू शकतं. दैनंदिन कामे रखडू शकतात. त्यामुळे सावधगिरी बाळगण्यासाठी हा अलर्ट जारी करतात.

अंबर अलर्ट म्हणजे खराब हवामानाची शक्यता पूर्वीपेक्षा कैकपटीने वाढली आहे. या अलर्टचा अर्थ होतो खराब हवामानामुळे लोकांनी पुढील संकटासाठी तयार राहावं. वीजपुरवठा खंडित होणे, वाहतूक ठप्प होणे असे प्रकार घडू शकतात. ही एक प्रकारे पुढच्या संकटाची तयारी असते.

रेड अलर्ट हा अगदी आणीबाणीच्या प्रसंगी जारी केला जातो. नैसर्गिक संकट ओढवलेलं असताना लोकांना सतर्क राहण्यासाठी या अलर्टला जारी केलं जातं. लोकांनी स्वतःला आणि इतरांना सुरक्षित ठेवावं आणि धोकादायक भागात जाऊ नये असा इशारा रेड अलर्ट द्वारे दिला जातो. 

तर मंडळी, अशा प्रकारे वेगवेगळ्या रंगांच्या अलर्टचा वापर सतर्कतेचा इशारा देण्यासाठी केला जातो. आता हेच रंग का वापरले जातात तर त्याच्यामागेही वैज्ञानिक करणं आहेत. पण ते पुन्हा कधी तरी.