मंडळी, म्हातारपणी आपली कशी परिस्थिती असेल? आपण कसे दिसू? या गोष्टीबद्दल प्रत्येकालाच कुतूहल असतं. पण मंडळी तुम्हाला जर कुणी आज तुम्ही म्हातारपणी कसे दिसाल याचा फोटो दाखवला तर? भविष्य जाणून घेण्याची प्रत्येकाला हौस असते राव!! उगाच ज्योतिषबुवा एवढे श्रीमंत नाही होत.
सध्याच्या काळात कोणता नवा ट्रेंड येईल याचा काहीही नेम नाही. सध्या असंच एक फिल्टर वायरल झालं आहे. हे फिल्टर वापरून तुम्ही म्हातारपणी कसे दिसाल ते एका क्लिकवर समजतं. तुम्ही म्हणाल त्यात काय एवढे? असे ढीगभर ऍप्स आहेत. पण मंडळी, कुठलंच फिल्टर ऍप एवढं वायरल झालं नसेल जेवढं हे ऍप वायरल झालं आहे. कारण या ऍपमध्ये आर्टिफिशियल इंटेलिजन्सचा वापर करण्यात आला आहे.
