फिनलंडच्या Veijo Rönkkönen या माणसाने ४१ वर्ष एका पेपर मिलमध्ये काम केलं. तो काहीसा एकलकोंडा होता. दिवसभर काम करणे आणि संध्याकाळी घरी परतणे हाच त्याचा दिनक्रम होता. हा साधा माणूस जिवंत होता तोपर्यंत लोकांच त्याच्याकडे लक्ष गेलं नाही, पण त्याच्या मृत्युनंतर (२०१०) सगळ्या जगाचं लक्ष त्याने वेधून घेतलं. काय होतं त्याच्यात खास? चला जाणून घेऊ.....
मंडळी, विएहो हा एक शिल्पकार होता. त्याने त्याचं आयुष्य शिल्पे तयार करण्यात घालवलं. त्याने तयार केलेली असंख्य शिल्पे त्याच्या घराच्या जवळच्या जंगलात विखुरली आहेत. तो गेल्यानंतर लोकांना याचा पत्ता लागला.
