आज आम्ही कमला नावाच्या मुलीची गोष्ट सांगणार आहोत. ही मुलगी राजस्थानच्या ‘भीलों की धनि’ गावातली दहावीची परीक्षा देणारी पहिली मुलगी ठरली आहे. तिची आणि तिच्या गावाची गोष्ट आपल्याला भारताचा वेगळा चेहरा दाखवते. चला तर जाणून घेऊया कमलाची गोष्ट आजच्या घडीला इतकी विलक्षण का ठरतेय...
राजस्थानच्या बारमार जिल्ह्यात ‘भीलों की धनि’ हे गाव आहे. या गावाजवळून भारत-पाक आंतरराष्ट्रीय सीमा जाते. बॉर्डर नजीकचं गाव असल्याने या गावात भीतीचं वातावरण होतं. याच भीतीपोटी लोकांनी मुलींना उच्च प्राथमिक शिक्षण देण्यास बंदी घातली होती. जेमतेम शिक्षण पूर्ण झाल्यानंतर मुलींची लग्नं लावून देण्यात येत होती. ही परिस्थिती बदलली जवळजवळ ६ वर्षापूर्वी.
