मित्रहो सध्या इंटरनेटवर सर्वात जास्त धुमाकूळ घालत असणारा गेम म्हणजे पब्जी. या पब्जीने तरुणांना अक्षरशः वेड लावलं आहे. कानात इयरफोन आणि मोबाईलमध्ये डोकं घालून पोरगं काहीतरी बडबड करताना दिसलं की समजून चालायचं की ‘ये पब्जी वाला है’ ! पब्जीमुळे तरुण आभासी जगात हरवत आहे पासून तर करियरवर दुर्लक्ष होतंय पर्यंत अनेक गोष्टी सांगितल्या जातात. पण तरी पब्जी फिवर काही कमी होण्याचं नाव घेत नाहीय राव. आतातर एकमेकांना भेटल्यावर “जय पब्जी” म्हणणारे महाभाग पण आजूबाजूला सहज दिसतात.
तर, पब्जी तर सगळ्यांना माहित आहेच, पण त्या मागची गोष्ट कोणाला फारशी माहित नसते. म्हणजे पब्जी कोणी बनवला ? ही आयडिया कुठून सुचली आणि तुमच्या आमच्या पब्जी मधून हे लोक किती कमाई करतात ते ?
आज आपण अशाच काही प्रश्नांमधून पब्जीविषयी रंजक माहिती जाणून घेणार आहोत. चला तर पब्जीच्या पडद्यामागची गोष्ट जाणून घेऊया.
