त्याचं झालं असं, की राजस्थानच्या गंगाशहर भागात एक बाई खरेदी करत होती. इतक्यात बाईकवर दोनजण आले आणि त्यांनी त्या बाईची सोन्याची चेन पळवली.
पोलिसांना या घटनेचा पत्ता लागल्यावर त्यांनी त्या भागातले CCTV फुटेज तपासले. फुटेजमध्ये दोघांचीही ओळख पटली. पुढच्या ४ तासात पोलिसांनी त्यातल्या एकाच्या मुसक्या आवळल्या होत्या.
आता येतो गोष्टीत एक ट्विस्ट. चोराने पोलिसांना गुंगारा देण्यासाठी सोन्याची चेन गिळली, पण पोलीस त्याचेही बाप निघाले. त्यांनी चोराला हॉस्पिटलमध्ये नेऊन एक्स-रे काढला. एक्स-रे मध्ये त्याच्या पोटात चेन आहे हे दिसून आलं.
