मोगली हा आपल्या बालपणाचा सवंगडी. ९० च्या दशकात कार्टूनच्या माध्यमातून हा नवीन मित्र आपल्याला भेटला. त्यानंतर खूप वर्षांनी २०१६ साली जंगलबुक आणि यावर्षी आलेल्या ‘मोगली’ फिल्ममुळे आपण पुन्हा एकदा त्याला भेटलो. मोगली हे एक काल्पनिक पात्र असलं तरी भारतात एक खरोखरचा ‘मोगली’ होऊन गेला हे तुम्हाला माहित आहे का ? नाही ? चला मग जाणून घेऊया....
मंडळी, मोगली हे रुडयार्ड किपलिंग यांच्या ‘दि जंगल बुक’ मधलं एक प्रमुख पात्र आहे. त्याचा आणि वास्तवाशी तसा संबंध नाही. पण ज्याकाळात जंगलबुक लिहिलं जात होतं (१८९३) त्याच सुमारास भारतात एक मुलगा सापडला होता ज्याची कथा मोगलीच्या कथेशी मिळतीजुळती होती.
