इंटरनेटवरचा सर्वात पहिला फोटो आणि तो अपलोड होण्यामागची गोष्ट!!

(अपलोड करण्यापूर्वीचा फोटो)

हा पहिला फोटो प्रोमोशनल फोटो होता. काही मुलींचा पॅरडी पॉप ग्रुप होता. या ग्रुपचं नाव Les horrible cernettes होतं. हा एक कॉमेडी बँड होता. सर्न नावाची युरोपियन ऑटोमिक रिसर्च संस्था आहे. या संस्थेच्या काही माजी कर्मचाऱ्यांनी हा बँड सुरू केला होता.

स्वित्झर्लंडमधल्या जिनिव्हा इथं या सर्नचं कार्यालय आहे. या ऑफिसमध्ये सेक्रेटरी तसेच काही सायंटिस्टसच्या गर्लफ्रेंड असलेल्या या मुली होत्या. सिल्वानो डी गनारो या सर्नच्या कॉम्प्युटर विभागात ऍनालिस्ट असलेल्या गड्याने हा फोटो घेतला होता. त्याला त्यावेळी कदाचित माहीत देखील नसेल की हा फोटो इतिहास घडवणार आहे.

(अपलोड केलेला फोटो)

१९९२ साली वर्ल्ड वाईड वेबचा निर्माता टिम बर्नर्स ली, याने हा कलर मॅकवरील फोटो व्हर्जन 1 वर एडिट करून अपलोड करण्यापूर्वी gif म्हणून सेव्ह केला. अशा पद्धतीने हा फोटो इंटरनेटवर अपलोड झालेला पहिला फोटो बनला. त्यानंतर काय झाले हे तर सर्व जगानं पाह्यलंच आहे.