फोटोत इजिप्शियन ममी सारखा दिसणारा पुतळा हा फेक गोष्टींचा खापर पणजोबा आहे. हा खापर पणजोबा इतिहासात Cardiff Giant म्हणून ओळखला जातो. १९ व्या शतकात सुरु झालेल्या औद्योगिक क्रांतीचे जे मोजके दुष्परिणाम होते त्यातल्याच हा एक दुष्परिणाम म्हणता येईल.
चला तर गोष्टीला सुरुवात करूया. औद्योगिक क्रांतीच्या सुरुवातीच्या काळात जाऊ. औद्योगिक क्रांतीतून जन्माला आलेल्या नव्या तंत्रज्ञानाचा आणि संशोधनांचा वापर करून काही भामट्यांनी लोकांना फसवण्याचा उद्योग सुरु केला होता. त्यातीलच एक मोठं उदाहरण म्हणजे ‘Cardiff Giant’.
