'नेकीं कर और दरिया में डाल' अशी म्हण आपल्याकडे खूप प्रचलित आहे. तुम्ही काही चांगलं काम करा पण त्याची कोणी किंमत करत नाही असा नाराजीचा सूर अनेकदा लोकांकडून ऐकला जातो. या नाराजीच्या सुरामुळेच सार्वजनिक जीवनात लोक एकमेकांच्या मदतीला धावत नाहीत.अगदी अपघात झाला तरी बघ्याची भूमिका घेतात. अर्थात बऱ्याच जणांना असे अनुभवही आलेले असतात. पण अशीच मदत करून एका महिलेला चांगलाच फायदा झालाय. तेही अगदी अनपेक्षितपणे. नक्की काय झालंय वाचा शेवटपर्यंत.
युकेमध्ये चार्लीन लेस्ली नावाच्या महिलेने केलेल्या मदतीचा व्हिडीओ सोशल मीडियावर खूपच व्हायरल झालाय. ३३ वर्षीय चार्लीन या एका सुपरमार्केटमध्ये काम करतात. त्यांना तीन मुलं आहेत. सध्या युकेमध्ये खूप बर्फ पडतोय. थंडीमुळे सगळ्या रस्त्यांवर, घरावर, झाडांवर बर्फ पसरलेला आहे. रस्त्यावरच्या बर्फामुळे वाहतुकीला बराच अडथळा येतो. त्यामुळे हा बर्फ वेळोवेळी साफही केला जातो.
